АГУУЛГА ЧАНАР ҮНЭ ЦЭН-ийг тэргүүнд тавьж, хүндлэн дээдэлдэг хүмүүн Танаа зориулан бүтээв.
Их Нийслэл ХАРХОРУМ хотын бэлгэдэл.

МӨНХИЙН_МӨНГӨН_МОД бэлгэ шүтээн...
Бэлгэ Шүтээнийг бид түүхийн эх бичиг, монголын язгуур болон уламжлалт бэлгэдэл зүй, эд өлгийн сурвалжийг иш үндэс болгон, цутгамал урлалын орчин үеийн дэвшилтэт технологийг ашиглан бүтээж, өргөн барьж байна.

 

Бүтээгдэхүүний тодорхойлолт:
Өндөр: 49 см
Суурийн тойргийн хэмжээ: 30 см
Материал: Полирезин (polyresin), хатжуулсан шил, шахмал мод
Жин (савалгаа ороогүй): 7 кг

“Парисын уугуул Гийом дархан хаанд том мөнгөн мод бүтээжээ. Түүний ёроолд тус бүрээс нь гүүний сүү олгойдон гарах цоргон амтай дөрвөн мөнгөн арслан урлажээ. Мөнгөн модны дотуур дөрвөн хоолой оруулж, оройд нь хүргээд тэндээс амыг нь гадагш гаргаж, уруу харуулахдаа тус бүрийн амыг алтлагхан зүст могойн амаар төсөөлүүлэн, сүүлийг нь модны их биеийг ороосон маягаар үйлджээ. Нэг цоргоор нь дарс, нөгөөдөхөөр нь хар айраг... гуравдахиар нь... зөгийн балын ундаа, дөрөвдэхээр нь бол... тутрагын исгүүн умдаан урсан ирж гоождог ажээ. Модны хөлд амтат идээ бүрийн дор мөнгөн гадар тосгуулан тавьжээ. Мөнгөн модны оройд мөнөөх дархан гартаа бишгүүр барьсан Чагаа тэнгэрийг урласан бөгөөд... уг мод навч, жимс бүхий мөнгөн салаа мөчиртэй... Чагаа тэнгэрийн бишгүүрийн дуу сонсмогц... зоорьт байгаа зарц нар тус тусын умдаанаа гардан дээш нь гүйлгэхэд тэр нь цоргын амаар доош тусгайлан бэлдсэн мөнгөн гадарт гоожмуй. Сөнч нар түүнийг юүлэн авч, ордны доторхи эр эм бүх хүнд зөөж хүргэмүй...”

Гийом де Рубрук “Монголын эзэнт гүрэнд зочилсон нь” номын хэсгээс.

Дэлхийг түвшитгэн, Олон хэл, Таван өнгийн орон улсын Гайхам Ур Ухааныг нэгэн дээвэр дор нэгтгэсэн Их Оюун Билиг - Домогт Нийслэл Хархорумын цуутай бэлгэдэл бол  гайхамшигт “МӨНГӨН МОД” билээ!..