АЛСЫН ХАРАА: Шинэ санаа, шинэлэг менежментээр авто техникийн нэг цэгийн үйлчилгээг бий болгох.

ЭРХЭМ ЗОРИЛГО: Хэрэглэгчиддээ авто техникийн худалдаа, үйлчилгээг чанартай, найдвартай хүргэх, ажиллагсдынхаа нийгмийн баталгааг бэхжүүлэх, харилцагчдаа дээдлэн хүндэлж, тэдний итгэлийг хүлээсэн өөрийн салбартаа тэргүүлэгч компани байна.

ТҮҮХЭН ТОВЧООН

1991 оны 05 дугаар сарын 19-ний өдөр “Хүнс-Техникийн зах” нэртэй анх байгуулагдаж, 1996 онд “Да хүрээ трейд” ХХК болон өргөжсөн. Үүсэн байгуулагдсанаас хойш 30 жилийн хугацаанд хэрэглэгчдийнхээ итгэлийг бүрэн хүлээсэн, найдвартай цогц үйлчилгээг бий болгож, зах зээлийн 60 хувийг төвлөрүүлэн 70 гаруй ажилтан, 4000 гаруй иргэнийг ажлын байраар ханган ажиллаж байна.

КОМПАНИЙН ҮЙЛ АЖИЛЛАГАА

"Да хүрээ" худалдааны төв нь  6,5 га талбайд үйлчилгээний 4 барилга, 100 автомашины багтаамжтай автосалон, 120 автомашины багтаамжтай задгай авто салон, худалдах автомашины 1200, үйлчлүүлэгчдэд зориулсан 400 зогсоол, дэлгүүр, цайны газар зэрэг 200 барилга байгууламжтай ба автотехникийн дараах үйлчилгээг нэг дор төвлөрүүлж, шуурхай үйлчилгээ үзүүлж байна. Үүнд:

• Автомашин болон бүх төрлийн сэлбэгийн худалдаа;
• Тээврийн хэрэгслийн тоо бүртгэлийн нэг цэг;
• Улсын номер дугаарын үйлдвэр;
• Авто техникийн оношлогоо;
• Автын төрөлжсөн лавлах, зарын үйлчилгээ, вэб сайт;
• Банк, санхүү, даатгалын үйлчилгээ;
• Авто татварын нэг цэг;
• Хуулийн зөвлөгөө, нотариат;
• Автомашин, бүх төрлийн сэлбэгийн онлайн худалдаа, сэлбэг захиалга;
• Авто угаалга;
• Харуул хамгаалалт