Рококо загварын тавилгыг таны гэрт гал тогооны хана, тааз, шал, Итали, Францийн сүмийн уран нарийн хийцлэлийг санагдуулам багана, арк, чимэглэлүүдтэйгээ интерьерийн төгс шийдлээр цогцлоон хийдгээрээ давуу талтай. Уур сорогчийн дээд нэмэлт гоёлын хийц, тавилгын дээгүүр хийгдсэн алтлаг хүрээ бүхий хөмсөг, хөргөгчний карказын 2 талын сийлбэр бүхий багана, олон талт өвөрмөц шийдэлтэй тек, текэн дээрхи С хэлбэрийн багана гэх зэрэг маш олон төрлийн уран нарийн хийцтэй нэмэлт чимэглэлүүдээс бүрддэг.

Үйлдвэрлэлийн явц, хийц нь маш их сийлбэр, хээ, ухлаацаас бүрддэг. Сийлбэрийн тоног төхөөрөмжөөр үндсэн тавилгын бүх нарийн сийлбэрүүдийг хийдэг ба үлдсэн өнгөн чимэглэлүүдийг гар ажиллагаагаар маш өндөр түвшинд бэлтгэгдсэн мужаанууд урлаж гаргадаг. Иймдээ ч Рококо тавилга маань загвар интерьер гаргалтаасаа эхлээд үйлдвэрлэж дуустлаа чамгүй урт хугацааг туулдаг билээ.