1956 оноос үе үеийн инженер мэргэжилтнүүдийн оюун ухаан арвин туршлагын дунд Монгол Улсын хөгжил дэвшлийн нэгэн тулгуур хүч болсон дэд бүтэц, тэр дундаа усны барилга байгууламж инженерийн шугам сүлжээний системийн, бүтээн байгуулалтад гар бие оролцон хөгжүүлж яваадаа манай хамт олон бахархдаг. 1991 оноос нийгэмд гарсан өөрчлөлтөөс хойш Байгууламж ХХК Монгол улсын нийслэл Улаанбаатар, Дархан, Эрдэнэт хот болон аймаг сумдын төвийн цэвэр ба дулааны усан хангамжийн систем, шугам сүлжээ, цэвэрлэх байгууламжийн барилга зэрэг 90 гаруй барилга объект төслийг гүйцэтгэж улсдаа анхлан шилэн хуванцар, хүчитгэсэн хуванцар болон дулаалгатай ган хоолойг угсарсан байна. Мөн үйлдвэрийн зориулалттай Таван Толгойн Дулааны Цахилгаан Станц, Бороогийн алтны үйлдвэрийн усан хангамжийн систем, Петровис Толгойт дахь нефть хангамжийн баазын галын усны шугам, насосын станц, 3000 м3 усан сангийн барилга байгууламж, Скай Резорт цанын баазын хиймэл нуур, гүний худаг, усан хангамжийн систем, бороолуулах систем болон Монполиментийн Монцементийн үйлдвэрийн усан сан гэх мэт ажил гүйцэтгэсэн. Энэ мэтчилэн улсын стратеги болон эдийн засгийн ач холбогдолтой барилга байгууламжууд дээр ажиллаж хөгжил дэвшилд үр нөлөө үзүүлж байгаа нь бидэнд баяр баясгалан авчирч цаашдаа улам ахиулах эрч хүчийг хайрладаг.