ГРУППИЙН ТАНИЛЦУУЛГА

NCD групп нь 1997 онд барилгын заслын бригадаар үүсгэн байгуулагдаж үйл ажиллагаагаа эхлүүлсэн бөгөөд 2002 онд барилга угсралт, зураг төслийн чиглэлээр үйл ажиллагаагаа өргөжүүлэн “Номин Констракшн” ХХК үүсгэн байгуулагдсан.

Улмаар 2008 оноос орон сууцны төсөл хөтөлбөрүүд хэрэгжүүлж эхэлсэн ба компанийн үйл ажиллагаа өргөжин тэлсээр өдгөө Төсөл хөгжүүлэлт, мод үржүүлэг, метал цонх хаалга, шилэн фасад, тавилгын үйлдвэрлэл, угсармал бетон хийц, хөнгөн ган хийц бүхий зөөврийн сууцны үйлдвэрлэл, гадаад худалдааны чиглэлээр үйл ажиллагаагаа явуулан 100 орчим гүйцэтгэгч компаниудын 2000 гаруй хүнийг ажлын байраар тогтмол хангахын зэрэгцээ үндсэн 270 гаруй чадварлаг мэргэжилтэн, архитектор, инженер техникийн ажилтнуудаар багаа бүрдүүлэн Улаанбаатар хотыг олон улсын жишигт хүрсэн томоохон хот болгон хөгжүүлэх, хүн амыг орон сууцаар хангах ажилд хувь нэмрээ оруулан их бүтээн байгуулалтын түүхийг бичилцэж байна.

Бид өнөөдрийн байдлаар орон сууцны барилгын салбарт жишиг болохуйц хотхоны гадна орчин, архитектур дизайны шинэлэг шийдэл бүхий хүрээлэн буй орчин болон хүний эрүүл мэндэд ээлтэй материал тоноглол ашиглан барилга байгууламж барих чиглэлд шинэ техник технологи нэвтрүүлэн  Монголын №1 ногоон хотхон "Ривер Гарден II" хотхон, Хүүхдэд ээлтэй "Гарден сити" хотхон, Бизнес концепц бүхий Ривер Плаза өндөр зэрэглэлийн орон сууц, Итали хэв маягийн "Каса Да Винчи" хаусны хотхон, Гэр бүлд ээлтэй Вега Сити цогцолбор ногоон хотхон зэрэг төслүүдийг амжилттай хэрэгжүүлэн ажиллаж байна.