Борц нь монгол үндэстний эрт үеэс хийж, хэрэглэж ирсэн гайхамшигт хүнс. Яг ийм технологиор хийдэг бүтээгдэхүүн дэлхийн өөр оронд байхгүй гэж хэлж болно. Ийм болохоор яах аргагүй Монголын брэнд хүнс.

Нүүдэлчдийн аугаа ухаан, амьдралын баялаг туршлагаар анх бий болж өнөөг хүртэл хадгалагдаж ирсэн гайхамшигт монгол борцтой цай ЮНЕСКО-гийн хүн ба шим мандлын нөөц газруудын “тогтвортой” хоолны жорын нэгээр шалгарсан байдаг.

Шинжлэх ухааны үндэс нь мах цочир хөлдөхөд хамаг шим шүүс, шингэн нь хамт хөлдөөд, аажим уурших тул бүхий л аминдэм, эрдэс, уураг гээд чухал хэрэгцээт бодисууд махандаа үлддэг байна.